Ótrúleg uppgötvun – Hafði staðið ósnert í 3300 ár


Ísraelskir fornleifafræðingar gerðu stórkostlega uppgötvun þegar þeir fundu grafhvelfingu sem hafði staðið óhreyfð í 3300 ár.

Það voru byggingaverkamenn, sem voru að störfum rétt sunnan við Tel Aviv, sem voru að grafa þegar skófla gröfu þeirra kom niður á og fór í gegnum þak á því sem reyndist vera einstakur fornleifafundur.

Undir byggingasvæðinu leyndist grafhvelfing sem hafði verið lokuð í rúmlega 3300 ár, frá tíma Ramses II sem réði þá ríkjum í Egyptalandi. The Israel Antiquities Authority skýrir frá þessu í fréttatilkynningu.

Verkamennirnir kölluðu fornleifafræðinga á vettvang og fóru þeir með mikilli varkárni niður í myrkrið og uppgötvuðu að þarna niðri var grafhvelfing sem hafði ekki verið hreyfð í árþúsund.

Þar voru keramik- og bronsmunir eins og var venja að skilja eftir í grafhvelfingum fyrir 3300 árum. Var talið að hinir látnu gætu tekið munina með sér á nýjar slóðir.

Eli Yannai, prófessor og sérfræðingur í bronsaldartímanum, segir að um „einstaka uppgötvun“ sé að ræða. Það sé ótrúlega sjaldgæft að finna „leikmynd úr Indiana Jones“, helli, skreyttan hlutum sem hafa staðið óhreyfðir í 3300 ár.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: